视频 | 闲话上海：侬骂三门，我就撞侬

闲话上海，上海新闻。

前两日，普陀区岚皋路上发生了一起交通事故。照道理发生交通事故也不是啥大新闻，但是今朝阿拉要讲的这起交通事故，邪气具有普遍性。葛末到底是哪能一起交通事故呢？简单讲，就是一辆网约机动车掉头占用了非机动车道，开电瓶车的人就开始骂三门了，骂人嘛，肯定没啥好闲话，还誏里誏声骂到人家爷娘，这个辰光，开网约车的人不买账了，侬骂我爷娘，我就撞侬，他就连人带电瓶车一道放倒，还好开电瓶车的人只是伤了点皮毛，开网约车的朋友也只是行政拘留，否则闯起穷祸来，一个进医院，一个吃官司，侬讲值得吗？不管是开机动车助动车，还是踏脚踏车，侪要按照规矩来，天热起来了，火气也勿要忒大。

（看看新闻Knews记者：吴迪 王幸 张峥嵘 审核：夏进 特约撰稿：朱贞淼 实习生：周晓清）