闲话上海·上海新闻，我是刘晔。上海男人，因为怕老婆也爱老婆，全国闻名。但是今朝要认得的迭位上海男人闫先生，老婆下个礼拜就要养小囡了，他倒好，一脚油门“走远唻”，而且是两个礼拜回不去了。哪能一桩事体呢？11月25日这天，因为导航出了差错，闫先生车子开进了香梅花园一期，本来嘛，掉个头出来就没事体了，没想到呆呆叫碰着呆呆叫，迭个小区因为发现了确诊病例而封掉了，乃末闫先生出不去唻。一开始，伊还邪气焦虑，老婆哪能办，马上要养出来的小囡哪能办？但是很快他就想通了，索性就留在小区里当起了志愿者，因为闫先生在哈佛读过书，精通英语、法语、西班牙语三国语言，而香梅花园里向又住了交关老外，闫先生就自告奋勇，成为了一名外语志愿者。

既来之则安之，有网友说，不晓得两个礼拜以后，闫先生回到屋里，是不是要跪搓衣板啊？

（看看新闻Knews记者：刘晔张力审核：夏进特约撰稿：朱贞淼实习生：李挽澜）