“开春第一鲜”当然要吃刀鱼咯，前两年刀鱼价钿忒辣手，心里得得动。今年听讲刀鱼贱卖唻，是长江禁捕以来价钿最低的一年。

播好早新闻辰光还早，要么我到大沽路菜场里去打打样。阿姨讲了，现在上市的大多数是海刀，还有一部分是人工养殖的刀鱼，但是口味一点也不推扳，外加今年数量上来了，价钿也就下来了，想开开荤尝尝鲜，也没老底子介肉麻了。要是侬嫌比自家弄忒麻烦，也可以到饭店去吃。南京路上一家老字号饭店还推出“全家福”馄饨，一碗六只三种口味，有刀鱼荠菜心子，有香椿韭菜心子，还有河蚌螺蛳肉心子。都是春天时鲜货，馋唾水又要出来啦，你吃过了吗？

（看看新闻Knews记者：刘晔张峥嵘审核：夏进特约撰稿：朱贞淼实习生：秦晨）