闲话上海·上海新闻：元旦侬去阿里白相？

2021年还剩下来最后一天了，这个元旦假期大家准备哪能过呢？交关人关心天气好不好？休息的三日天气温和前两年相比会得高一点，大约摸在4-11度之间横里，不落雨，出太阳，整体还是挺舒服适意的。2号日里向辰光空气稍微有点差，会出现pm2.5，想在室外运动的人建议你改改日脚。

除脱天气，有些人三天辰光就打算伏了家里，啥地方也不去，有些人会得计划去啥地方跑跑玩玩白相相，交关景点和公园都有优惠活动，譬方讲上海植物园，从2022年开始门票免费了，大家可以提前预约进公园。要是想看花，今年大家可以看到腊梅和梅花同时开，不要看它们名字都和梅搭界，但是实际上它们开花的辰光浑身不搭界，前后要推扳一个号头，这种情况在上海植物园记录上也是第一趟。

明朝开始的三日天会得有特别内容，记得要看哦，在此地闲话上海祝大家新年快乐！

（看看新闻Knews记者：刘晔陈梅蓉审核：夏进特约撰稿：朱贞淼实习生：左雨欣）